Connect with:
Wednesday / May 22.
HomeNuusAfrikaans is Groot se standpunt rondom die onlangse sosiale media-debakel

Afrikaans is Groot se standpunt rondom die onlangse sosiale media-debakel

Die direksie van Afrikaans is Groot vermoed die hele debakel is ’n strategie wat moontlik verband hou met die komende verkiesings-veldtogte van sekere groepe.

Nog geen borg, insluitende MTN, het Afrikaans is Groot amptelik in kennis gestel dat hulle as borge onttrek nie.

Afrikaans is Groot bly ’n musiek- en vermaaklikheidsplatform wat kunstenaars die geleentheid bied om hul talent ten toon te stel. Ons enigste doel is om musiek en vermaak vir die Afrikaanse gemeenskap aan te bied – iets wat alle kulture tog verdien. Hierdie platform is primêr geskep vir die getroue ondersteuners van Afrikaanse musiek, die publiek.

Die platform verskaf ook inklusiewe werksgeleenthede vir kunstenaars, musikante, tegnici en ongeveer 300 personeel van alle rassegroepe en demografieë. “Vir ons, wat elke aand sien hoe konsertgangers hulself uitleef en die vertonings geniet met vermaak wat hul harte raak, sal dit baie hartseer wees as hierdie groep onrusstokers die toekoms van hierdie gevestigde en geliefde platform in die wiele ry,” sê Arnold Coleske, uitvoerende vervaardiger van die Afrikaans is Groot-konserte.

Afrikaans is Groot se posisie bly dus tot verdere kennisgewing onveranderd. Ons sien uit na die res van die vertonings in die Kaap sowel as die komende konserte in Pretoria waarvoor daar reeds nagenoeg 100 000 kaartjies verkoop is.

Baie dankie aan ons geliefde ondersteuners, vennote en getroue borge wat die vlagskip van Afrikaanse musiek op die water hou. Ons beloof om niemand ooit teleur te stel of in die steek te laat nie.